ఏపీలో ఎస్ఐ నియామక ఫలితాల విడుదలకు గ్రీన్ సిగ్నల్ వచ్చింది. రిజల్ట్ రిలీజ్ కు హైకోర్టు అనుమతి ఇచ్చింది. ఎస్ఐ నియామకాలపై గతంలో ఇచ్చిన మధ్యంతర ఉత్తర్వులను న్యాయస్థానం ఎత్తివేసింది. ఎస్ఐ నియామక ఫలితాలు విడుదల చేసుకోవచ్చని ఆదేశాలు జారీ చేసింది.
ఎస్ఐ నియామకాల్లో ఎత్తు కొలతల అంశంలో అవకతవకలు జరిగాయని హైకోర్టులో పిటిషన్ దాఖలైంది. ఎత్తు అంశంలో అభ్యంతరం తెలిపిన అభ్యర్థులకు పరీక్షలు నిర్వహించారు. న్యాయమూర్తి సమక్షంలో అభ్యర్థులకు ఎత్తు కొలతల పరీక్షలు నిర్వహించారు. రిక్రూట్మెంట్ బోర్డు కొలతలు, జడ్జి సమక్షంలో కొలతలు సరిపోలాయని గుర్తించారు. కొలతలు సరిపోలడంతో అభ్యర్థుల అభ్యర్థనను హైకోర్టు తోసిపుచ్చింది. ఫలితాలు విడుదల చేసుకోవచ్చని రిక్రూట్మెంట్ బోర్టుకు ఆదేశాలు జారీ చేసింది.
