ఐపీఎల్ 2026లో భాగంగా లక్నో సూపర్ జెయింట్స్ బ్యాటర్లు ముంబై ఇండియన్స్ బౌలర్లపై విరుచుకుపడ్డారు. టాస్ గెలిచి ఫీల్డింగ్ ఎంచుకున్న ముంబై కెప్టెన్ నిర్ణయాన్ని తప్పుబట్టేలా లక్నో బ్యాటర్లు పరుగుల సునామీ సృష్టించారు. ముఖ్యంగా నికోలస్ పూరన్ కేవలం 21 బంతుల్లోనే 8 భారీ సిక్సర్లతో 63 పరుగులు చేసి విధ్వంసం సృష్టించాడు. దీంతో లక్నో నిర్ణీత 20 ఓవర్లలో 5 వికెట్ల నష్టానికి 228 పరుగుల భారీ స్కోరును నమోదు చేసింది.
లక్నో ఇన్నింగ్స్లో ఓపెనర్ మిచెల్ మార్ష్ (44) మెరుపులు మెరిపించగా, పూరన్తో కలిసి రెండో వికెట్కు వేగంగా 94 పరుగులు జోడించాడు. వీరిద్దరి ధాటికి పవర్ప్లే ముగిసేసరికి లక్నో స్కోరు 90 పరుగులకు చేరింది. మధ్యలో కార్బిన్ బాష్ వరుస ఓవర్లలో పూరన్, మార్ష్లను అవుట్ చేసి ముంబైకి ఊరటనిచ్చినా, చివర్లో ఐడెన్ మార్క్రమ్ (31 నాటౌట్), హిమ్మత్ సింగ్ (40 నాటౌట్) అజేయమైన భాగస్వామ్యంతో స్కోరును 220 దాటించారు.
ముంబై బౌలింగ్ విభాగం ఈ మ్యాచ్లో పూర్తిగా తేలిపోయింది. స్టార్ పేసర్ జస్ప్రీత్ బుమ్రా 4 ఓవర్లలో 45 పరుగులు ఇచ్చి వికెట్ తీయలేకపోవడం గమనార్హం. ముంబై బౌలర్లలో కార్బిన్ బాష్ రెండు వికెట్లు పడగొట్టగా, మిగిలిన వారందరూ ధారాళంగా పరుగులు సమర్పించుకున్నారు. వాంఖడే వంటి బ్యాటింగ్కు అనుకూలించే పిచ్పై 229 పరుగుల భారీ లక్ష్యాన్ని ముంబై ఎలా ఛేదిస్తుందో చూడాలి.
