టాలీవుడ్ యంగ్ సెన్సేషన్ శ్రీలీల ఇండస్ట్రీలోకి వచ్చిన అతి తక్కువ సమయంలోనే తన అద్భుతమైన డాన్స్, నటన, చలాకీతనంతో యువతలో విపరీతమైన క్రేజ్ సంపాదించుకుంది. ఇటీవల ఆమె నటించిన కొన్ని సినిమాలు బాక్సాఫీస్ వద్ద ఆశించిన స్థాయిలో విజయం సాధించకపోయినప్పటికీ, ఈ ముద్దుగుమ్మకు టాలీవుడ్తో పాటు ఇతర పరిశ్రమల్లోనూ వరుస అవకాశాలు క్యూ కడుతున్నాయి. ప్రస్తుతం కోలీవుడ్ స్టార్ హీరో ధనుష్ సరసన ‘D-55’ ప్రాజెక్ట్తో పాటు, బాలీవుడ్లో యంగ్ హీరో కార్తీక్ ఆర్యన్ జోడీగా ‘ఆషికీ-3’ చిత్రంలో నటిస్తూ శ్రీలీల ఫుల్ బిజీగా గడుపుతోంది.
భాషా భేదాలు లేకుండా ఇండియన్ సినిమాలో శరవేగంగా దూసుకుపోతున్న శ్రీలీల… తాజాగా భాష, సంస్కృతిపై చేసిన ఆసక్తికర వ్యాఖ్యలు సోషల్ మీడియాలో వైరల్ అవుతున్నాయి. వివిధ చిత్ర పరిశ్రమల్లో పనిచేయడంపై ఆమె స్పందిస్తూ.. “నేను ప్రతి భాషను ఎంతో గౌరవిస్తాను. ప్రస్తుతం నాలుగు, ఐదు భాషల్లో విభిన్న ప్రాజెక్టులు చేస్తున్నాను. నేను ఏ కొత్త ప్రాంతానికి వెళ్లినా, స్టేజ్ పైన ఉన్నంతసేపూ అక్కడి స్థానిక భాషలోనే మాట్లాడటానికి శతవిధాలా ప్రయత్నిస్తాను. ఆ ప్రాంత ప్రజలకు, వారి సాంప్రదాయాలకు నేను ఇచ్చే కనీస గౌరవం అది” అని స్పష్టం చేసింది.
పబ్లిక్ ఈవెంట్స్లో ఇలా స్థానిక భాషలో మాట్లాడటం వల్ల ప్రేక్షకులకు, సెలబ్రిటీలకు మధ్య ఉన్న దూరం తగ్గి, ఒక మంచి అనుబంధం ఏర్పడుతుందని శ్రీలీల అభిప్రాయపడింది. ఇది కేవలం సినిమా పబ్లిసిటీ కోసం లేదా ప్రమోషన్ల కోసం చేసే పని కాదని.. నటిగా మనకు గుర్తింపునిచ్చి ఆదరిస్తున్న ఆయా ప్రాంతాల ఐడెంటిటీని, సంస్కృతిని మనస్ఫూర్తిగా గౌరవించడమేనని ఈ బ్యూటీ పేర్కొంది. భాషపై శ్రీలీల చూపించిన ఈ పరిణతి మరియు సాంస్కృతిక సున్నితత్వంపై నెటిజన్లు, సినీ అభిమానులు ప్రశంసల జల్లు కురిపిస్తున్నారు.
