రాజకీయాలను ‘రెండు వైపులా పదును ఉన్న కత్తి’తో పోల్చిన మాధవన్, ఈ రంగంలో ఏ నిర్ణయం తీసుకున్నా విమర్శలు రావడం సహజమేనని అభిప్రాయపడ్డారు. ఇదే సమయంలో తన రాజకీయ ప్రవేశంపై వస్తున్న ఊహాగానాలకు ముగింపు పలుకుతూ, తనకు ప్రత్యక్ష రాజకీయాల్లోకి వచ్చే ఉద్దేశం ఎప్పటికీ లేదని స్పష్టం చేశారు. నాయకత్వ పదవులు లేదా రాజకీయ అధికారం చేపట్టాలనే ఆశ తనకు లేదని, నటుడిగా సినిమాలు చేస్తూ కలల ద్వారానే సమాజానికి సేవ చేయడానికే తాను ప్రాధాన్యత ఇస్తానని తెలిపారు.
కాగా, పారిశ్రామికవేత్త, ప్రముఖ ఆవిష్కర్త గోపాలస్వామి దొరైస్వామి నాయుడు (G.D. Naidu) జీవిత చరిత్ర ఆధారంగా తెరకెక్కుతున్న ‘జీ.డీ.ఎన్’ (G.D.N) చిత్రంలో మాధవన్ కథానాయకుడిగా నటిస్తున్నారు. ఈ బయోపిక్ ద్వారా మరో విభిన్న పాత్రలో ప్రేక్షకులను అలరించేందుకు ఆయన సిద్ధమవుతున్నారు.
