అమెరికా అధ్యక్షుడు డొనాల్డ్ ట్రంప్తో తన సంబంధాలు తాను తొలుత ఊహించినంత సులభంగా సాగలేదని ఇటలీ ప్రధాని జార్జియా మెలోని వ్యాఖ్యానించారు. వలసలు, ‘వోక్ కల్చర్’ వంటి అంశాల్లో తమ అభిప్రాయాలు దగ్గరగా ఉండటంతో ట్రంప్తో కలిసి పనిచేయడం సులభంగా ఉంటుందని మొదట భావించానని ఆమె తెలిపారు. అయితే, పరిస్థితులు అనుకున్న విధంగా సాగలేదని స్పష్టం చేశారు.
ది న్యూయార్క్ టైమ్స్కు ఇచ్చిన ఇంటర్వ్యూలో మెలోని తన అభిప్రాయాలను వెల్లడించారు. ట్రంప్తో తాము పలు అంశాల్లో సారూప్యమైన ఆలోచనలు కలిగి ఉన్నప్పటికీ, వ్యక్తిగత సంబంధాలు మరియు రాజకీయ విధానాలు ఎప్పుడూ ఒకే దిశలో సాగవని ఆమె వ్యాఖ్యానించారు. ప్రస్తుతం ట్రంప్తో కొన్ని వారాలుగా మాట్లాడలేదని కూడా వెల్లడించారు.
అయితే పశ్చిమ దేశాల ఐక్యత తనకు అత్యంత ముఖ్యమని మెలోని పేర్కొన్నారు. వ్యక్తిగత సంబంధాల ఆధారంగా ఇటలీ విదేశాంగ వ్యూహాన్ని నిర్ణయించబోమని స్పష్టం చేశారు. ఇటలీ ఎవరితోనూ లొంగిపోయే ధోరణిలో ఉండదని, దేశ ప్రయోజనాలకు ప్రాధాన్యత ఇస్తామని ఆమె వెల్లడించారు.
