టీమిండియా క్రికెటర్ శ్రేయాస్ అయ్యర్ పుట్టినరోజు వ్యవహారం సోషల్ మీడియాలో పెద్ద ఎత్తున చర్చకు దారితీసింది. సాధారణంగా అయ్యర్ పుట్టిన తేదీ డిసెంబర్ 6, 1994 అని అందరికీ తెలిసిందే. కానీ, అతను తన సోషల్ మీడియా బయోలో పుట్టిన తేదీని ’25-12-2025’గా మార్చడం నెటిజన్లను, అభిమానులను గందరగోళానికి గురిచేసింది. అసలు ఈ తేదీకి, అయ్యర్కు ఏంటి సంబంధం అని అంతా ఆరా తీస్తున్నారు.
భవిష్యత్తులో రాబోయే ఏదైనా కొత్త ప్రాజెక్ట్ లేదా ప్రత్యేక ప్రకటన కోసం శ్రేయాస్ అయ్యర్ ఇలా చేసి ఉండవచ్చని కొందరు భావిస్తున్నారు. ఇది కేవలం ఏదో ఒక బ్రాండ్ ప్రమోషన్ లేదా కమర్షియల్ యాడ్ కోసం కావచ్చని మరికొందరు అభిప్రాయపడుతున్నారు. కారణం ఏదైనప్పటికీ, ఈ మార్పు మాత్రం సోషల్ మీడియాలో పెద్ద ఎత్తున వైరల్ అవుతోంది.
అయితే, ఈ తేదీ వెనుక ఉన్న అసలు కారణం ఏంటనే దానిపై శ్రేయాస్ అయ్యర్ ఇంకా ఎలాంటి అధికారిక ప్రకటన చేయలేదు. డిసెంబర్ 25 నాడే దీనికి సంబంధించిన పూర్తి వివరాలు బయటకు వస్తాయని క్రీడా విశ్లేషకులు అంచనా వేస్తున్నారు. ఈ మిస్టరీ డేట్ పై స్పష్టత రావాలంటే అప్పటివరకు వేచి చూడక తప్పదు.
