ప్రకృతిలో ఎన్నో వింతలు, విశేషాలు ఉంటాయి. అందులోనూ కొన్ని రకాల కీటకాలు, పురుగులు చూడటానికి చిన్నగానే ఉన్నప్పటికీ.. వాటివల్ల కలిగే ప్రమాదం మాత్రం చాలా ఎక్కువగా ఉంటుంది. అలాంటి ఒక ప్రమాదకరమైన పురుగు గురించే ఇప్పుడు మనం తెలుసుకోబోతున్నాం. దీనిని కనుక పొరపాటున తాకినా, లేదా దీని జోలికి వెళ్లినా తీవ్రమైన అనారోగ్య సమస్యలు వచ్చే అవకాశం ఉంది.
ఈ పురుగు శరీరంపై ఉండే చిన్న చిన్న ముళ్లతో కూడిన రోమాలు (hairs) విషపూరితమైనవిగా ఉంటాయి. ఇవి మన చర్మానికి తగిలిన వెంటనే తీవ్రమైన మంట, నొప్పి మొదలవుతాయి. ఆ తర్వాత చర్మంపై దద్దుర్లు వచ్చి, కొందరిలో వాపు కూడా వచ్చే ప్రమాదం ఉంది. ఈ విషం నెమ్మదిగా శరీరంలోకి ప్రవేశించి తీవ్రమైన జ్వరం, తలనొప్పి వంటి సమస్యలకు దారితీస్తుంది.
అందువల్ల పొలాల్లోకి వెళ్లినప్పుడు లేదా చెట్ల దగ్గర తిరిగేటప్పుడు ఇలాంటి వింత పురుగులు కనిపిస్తే అస్సలు ముట్టుకోకపోవడమే మంచిది. ఒకవేళ అనుకోకుండా ఈ పురుగు బారిన పడితే మాత్రం ఏమాత్రం ఆలస్యం చేయకుండా వెంటనే సమీపంలోని ఆసుపత్రికి వెళ్లి వైద్యుల సలహా తీసుకోవడం ఎంతో అవసరం. చిన్న నిర్లక్ష్యం కూడా ప్రాణాల మీదికి తెస్తుందని నిపుణులు హెచ్చరిస్తున్నారు.
