దుల్కర్ సల్మాన్ హీరోగా నటిస్తున్న యాక్షన్ థ్రిల్లర్ ‘ఐ యామ్ గేమ్’పై ప్రేక్షకుల్లో భారీ అంచనాలు ఉన్నాయి. నహాస్ హిదాయత్ దర్శకత్వంలో తెరకెక్కుతున్న ఈ సినిమాను తొలుత 2026 ఆగస్టు 20న థియేటర్లలో విడుదల చేయాలని మేకర్స్ నిర్ణయించారు. అయితే తాజాగా సినిమా విడుదల తేదీని వాయిదా వేస్తూ చిత్రబృందం అధికారికంగా కొత్త రిలీజ్ డేట్ను ప్రకటించింది.
‘ఐ యామ్ గేమ్’ చిత్రాన్ని ఇప్పుడు 2026 సెప్టెంబర్ 3న ప్రపంచవ్యాప్తంగా విడుదల చేయనున్నట్లు మేకర్స్ వెల్లడించారు. పోస్ట్ ప్రొడక్షన్ పనుల్లో కొంత జాప్యం జరగడంతో పాటు సినిమాను మరింత విస్తృత స్థాయిలో ప్రేక్షకుల ముందుకు తీసుకెళ్లాలనే ఉద్దేశంతో ఈ నిర్ణయం తీసుకున్నట్లు తెలుస్తోంది. పాన్ ఇండియా స్థాయిలో సినిమాను గ్రాండ్గా విడుదల చేసేందుకు సన్నాహాలు చేస్తున్నట్లు చిత్రబృందం తెలిపింది.
మలయాళంతో పాటు తెలుగు, హిందీ, కన్నడ, ఇంగ్లీష్ భాషల్లో ‘ఐ యామ్ గేమ్’ విడుదల కానుంది. దుల్కర్ సల్మాన్కు దక్షిణాదితో పాటు ఉత్తరాదిలోనూ మంచి గుర్తింపు ఉండటంతో సినిమాను దేశవ్యాప్తంగా ప్రేక్షకులకు చేరువ చేయాలని మేకర్స్ భావిస్తున్నారు. ఓనం కానుకగా రావాల్సిన ఈ సినిమా సెప్టెంబర్ 3న థియేటర్లలోకి రానుండటంతో అభిమానుల్లో ఆసక్తి మరింత పెరిగింది.
