ఉత్తరప్రదేశ్ టీ20 లీగ్‌లో నోయిడా కింగ్స్ స్పిన్నర్ శివ సింగ్ అద్భుత ప్రదర్శనతో అదరగొట్టాడు. మీరట్ మావెరిక్స్‌తో జరిగిన మ్యాచ్‌లో బంతితో సత్తా చాటుతూ ప్రత్యర్థి బ్యాటర్లను ముప్పుతిప్పలు పెట్టాడు. కేవలం రెండు ఓవర్లు మాత్రమే వేసిన శివ సింగ్.. ఏకంగా 5 వికెట్లు పడగొట్టి సంచలనం సృష్టించాడు.
శివ సింగ్ తన రెండు ఓవర్ల కోటాలో కేవలం 6 పరుగులు మాత్రమే ఇచ్చి 5 వికెట్లు తీశాడు. అతడి బౌలింగ్‌లో ముఖ్యంగా హ్యాట్రిక్ ప్రత్యేక ఆకర్షణగా నిలిచింది. వరుస బంతుల్లో మూడు వికెట్లు తీసి ప్రత్యర్థి జట్టు బ్యాటింగ్ ఆర్డర్‌ను కుప్పకూల్చాడు. కీలక సమయంలో శివ సింగ్ చూపించిన ఈ అద్భుత బౌలింగ్‌తో నోయిడా కింగ్స్ శిబిరంలో ఆనందం నెలకొంది.
టీ20 ఫార్మాట్‌లో రెండు ఓవర్లలోనే 5 వికెట్లు సాధించడం అరుదైన ఘనత. శివ సింగ్ ప్రదర్శన ప్రస్తుతం క్రికెట్ అభిమానులను ఆకట్టుకుంటోంది. ముఖ్యంగా హ్యాట్రిక్‌తో పాటు కేవలం 6 పరుగులు మాత్రమే ఇచ్చి 5 వికెట్లు పడగొట్టడం అతడి స్పెల్‌ను మరింత ప్రత్యేకంగా మార్చింది.
