- ఎండిపోయిన పైరు.. ఎగబాకిన అప్పులు: ‘రేవంత్ అన్నా మా రైతులను ఆదుకోండి’ అంటూ మహిళా రైతు వినూత్న నిరసన చేపట్టారు.వివరాల్లోకి వెళితే…
వరంగల్ జిల్లా దుగ్గొండి మండలం వెంకటాపురంలో ఓ మహిళా రైతు ఆవేదన గుండెలను పిండేస్తోంది. గ్రామానికి చెందిన లక్ష్మి అనే మహిళా రైతు, తీవ్ర వర్షాభావం మరియు కాలువల ద్వారా సాగునీరు విడుదల కాకపోవడంతో తన పంట కళ్లముందే ఎండిపోవడం చూసి కలచివేతకు గురయ్యారు.
ఈ ఏడాది అప్పులు చేసి పంట సాగు చేశానని, వర్షాలు లేక పొలం పూర్తిగా ఎండిపోయిందని లక్ష్మి వాపోయారు. పంట చేతికి రాకపోవడంతో బ్యాంకులు, బయట చేసిన అప్పులు తీర్చే మార్గం కనిపించక దిక్కుతోచని స్థితిలో పడిపోయారు.
