లండన్‌ నుంచి అమెరికాలోని చికాగోకు బయలుదేరిన బ్రిటిష్ ఎయిర్‌వేస్ విమానం BA295లో ఎమర్జెన్సీ పరిస్థితి తలెత్తింది. ఐర్లాండ్‌ గగనతలంలో ప్రయాణిస్తున్న సమయంలో విమానం ట్రాన్స్‌పాండర్‌ నుంచి ‘7700’ స్క్వాక్ కోడ్ ప్రసారమైంది. దీంతో విమానాన్ని తిరిగి లండన్‌కు మళ్లించినట్లు ఫ్లైట్‌ ట్రాకింగ్‌ డేటా వెల్లడించింది.
విమానయానంలో ‘7700’ కోడ్‌ను సాధారణ అత్యవసర పరిస్థితిని సూచించేందుకు ఉపయోగిస్తారు. ఐర్లాండ్‌ మీదుగా ప్రయాణిస్తున్న సమయంలో BA295 సుమారు 9,000 అడుగుల ఎత్తుకు దిగినట్లు ట్రాకింగ్‌ డేటా చూపించింది. అనంతరం విమానం లండన్‌ వైపు తిరిగి ప్రయాణించింది.
గత వారం ఫ్లై దుబాయ్ విమానానికి హైజాక్ ముప్పు ఉందన్న ఘటన నేపథ్యంలో ఈ పరిణామం మరింత ఆసక్తికరంగా మారింది. అయితే బ్రిటిష్ ఎయిర్‌వేస్ విమానంలో ‘7700’ కోడ్ రావడానికి గల నిర్దిష్ట కారణం వెంటనే వెల్లడికాలేదు. విమానాన్ని సురక్షితంగా లండన్‌కు మళ్లించినట్లు సమాచారం.
