అయ్యప్ప మాల సహా ఇతర ఆధ్మాత్మిక దీక్షలు తీసుకునే పోలీసులు విధుల నుంచి సెలవు తీసుకోవాలని తెలంగాణ పోలీసు శాఖ తమ సిబ్బందికి సూచించింది. జుట్టు, గడ్డం పెంచుకొని, యూనిఫామ్కు బదులు సాధారణ దుస్తులు ధరించి, కాళ్లకు బూట్లు లేకుండా పోలీసు సిబ్బంది విధులకు హాజరయ్యేందుకు అనుమతి లేదని స్పష్టం చేసింది. వివరాల్లోకి వెళితే, హైదరాబాద్లోని కంచన్బాగ్ పోలీసుస్టేషన్ ఎస్సై ఎస్.కృష్ణకాంత్ అయ్యప్ప దీక్ష తీసుకున్నారు. దీక్ష నియమాలను పాటిస్తూ విధులకు హాజరయ్యేందుకు అనుమతి కోరుతూ ఆయన ఉన్నతాధికారులకు విజ్ఞప్తి చేశారు. ఆ విజ్ఞప్తిని తిరస్కరించిన ఉన్నతాధికారులు.. నిబంధనలపై పోలీసు సిబ్బంది అందరికీ ఒక స్పష్టతనిచ్చేలా ఓ మెమోను ఇటీవల జారీ చేశారు. అయ్యప్ప మాల సహా మరే ఆధ్యాత్మిక దీక్షలు తీసుకునే పోలీసులు విధి నిర్వహణలో ఉన్నప్పుడు కూడా ఆ దీక్ష నియమాలను పాటించాలి అనుకుంటే విధులకు సెలవు తీసుకోవాలని స్పష్టం చేశారు.
