న్యూయార్క్…వెనిజులా అధ్యక్షుడు నికోలస్ మదురోను అమెరికా ప్రత్యేక దళాలు కారకాస్లో అరెస్ట్ చేసి, న్యూయార్క్కు తీసుకొచ్చాయి. చేతులకు సంకెళ్లతో DEA కేంద్రానికి తరలిస్తుండగా, మదురో అక్కడి వారికి ప్రశాంతంగా “నూతన సంవత్సర శుభాకాంక్షలు” తెలపడం గమనార్హం. మరో వైపు వెనిజువెలా అధ్యక్షుడు మదురో తమ వద్ద బందీగా ఉన్న విషయాన్ని స్పష్టం చేస్తూ అమెరికా అధ్యక్షుడు ఫోటోను విడుదల చేశారు…
మాదకద్రవ్యాల అక్రమ రవాణా, నార్కో-టెర్రరిజం కేసుల్లో విచారణ ఎదుర్కోనున్న మదురోను ప్రస్తుతం బ్రూక్లిన్లోని మెట్రోపాలిటన్ డిటెన్షన్ సెంటర్లో ఉంచారు. ఈ చారిత్రాత్మక అరెస్టుకు సంబంధించిన వీడియో ఇప్పుడు అంతర్జాతీయంగా సంచలనం సృష్టిస్తోంది.
ఇది ఇలా ఉండగా వెనిజులా అధ్యక్షుడు మదురో అరెస్ట్ నేపథ్యంలో ప్రతిపక్ష నేత మరియా మచాడోపై డొనాల్డ్ ట్రంప్ కీలక వ్యాఖ్యలు చేశారు. మరియా మంచి మహిళ అయినప్పటికీ, ఆమెకు ప్రజల మద్దతు, గౌరవం తక్కువగా ఉందని, అందుకే నాయకురాలిగా కొనసాగడం కష్టమని ఆయన పేర్కొన్నారు. మదురో అరెస్ట్ ఆపరేషన్ అర్ధరాత్రి జరగడం వల్ల ఆమెతో మాట్లాడలేకపోయానని వివరించారు. కాగా గతేడాది నోబెల్ శాంతి బహుమతి గెలుచుకున్న మరియా ప్రస్తుతం అంతర్జాతీయంగా వార్తల్లో నిలిచారు.
