ప్రాణాలు కాపాడాల్సిన అంబులెన్స్ను కొందరు యువకులు తమ స్వార్థం కోసం అసాంఘిక కార్యకలాపాలకు వేదికగా మార్చుకున్నారు. మధ్యప్రదేశ్లోని ఛతర్పూర్ జిల్లాలో చోటుచేసుకున్న ఈ విస్తుగొలిపే ఘటన సామాజిక మాధ్యమాల్లో వైరల్గా మారింది. ఒక యువతి, ఇద్దరు యువకులు కలిసి అంబులెన్స్ను ‘ఓయో రూమ్’ మాదిరిగా వాడుకుంటూ నడిరోడ్డుపై అసభ్యకరంగా ప్రవర్తించడం స్థానికులను విస్మయానికి గురిచేసింది. నిబంధనలకు విరుద్ధంగా ప్రభుత్వ వాహనాన్ని ఇలాంటి పాడు పనులకు వినియోగించడంపై నెటిజన్లు తీవ్ర ఆగ్రహం వ్యక్తం చేస్తున్నారు.
గురువారం నాడు ఒక అంబులెన్స్ వేగంగా వెళ్తుండగా, లోపల ఏదో అసాధారణంగా జరుగుతోందని గమనించిన కొందరు యువకులు దానిని వెంబడించారు. దాదాపు 5 కిలోమీటర్ల మేర వెంబడించి ఇతర వాహనదారుల సహాయంతో అంబులెన్స్ను అడ్డుకున్నారు. కిటికీలోంచి చూడగా లోపల ఒక కాలేజీ యువతి మరియు ఇద్దరు యువకులు అసభ్యకర స్థితిలో కనిపించారు. దీనిపై డ్రైవర్ను ప్రశ్నించగా, ఆమె తన సోదరి అని చెప్పి తప్పించుకునే ప్రయత్నం చేశాడు. అయితే లోపల ఉన్నది రోగులు కాదని తెలియడంతో స్థానికులు డ్రైవర్ను, ఆ యువకులను నిలదీశారు.
ఈ ఘటనపై నెటిజన్లు ‘మూవింగ్ ఓయో’ అంటూ కామెంట్లు చేస్తూ మండిపడుతున్నారు. అత్యవసర సమయంలో రోగులకు అంబులెన్స్లు దొరక్క ప్రాణాలు పోతున్న తరుణంలో, ఇలాంటి వాహనాలను అసాంఘిక కార్యకలాపాలకు వాడటం శోచనీయమని పేర్కొంటున్నారు. వీడియో వైరల్ కావడంతో స్పందించిన జిల్లా యంత్రాంగం, బాధ్యులపై కఠిన చర్యలు తీసుకుంటామని వెల్లడించింది. అంబులెన్స్ సర్వీసులపై పర్యవేక్షణ పెంచాలని, ఇటువంటి ఉదంతాలు పునరావృతం కాకుండా కఠిన నిబంధనలు అమలు చేయాలని స్థానిక ప్రజలు డిమాండ్ చేస్తున్నారు.
