మెగాస్టార్ చిరంజీవి, డైరెక్టర్ బాబీ కాంబినేషన్లో రాబోతున్న భారీ యాక్షన్ ఎంటర్టైనర్ ‘మెగా 158’ ప్రాజెక్ట్కు సంబంధించి ఒక అదిరిపోయే అప్డేట్ వచ్చింది. ఈ సినిమా కోసం మెగాస్టార్ లుక్ టెస్ట్ విజయవంతంగా పూర్తయిందని, ఆయన లుక్ను ఫైనల్ చేసి లాక్ చేసినట్లు దర్శకుడు బాబీ మరియు నిర్మాణ సంస్థ కేవీఎన్ ప్రొడక్షన్స్ అధికారికంగా ప్రకటించాయి.
ఈ అప్డేట్పై కేవీఎన్ ప్రొడక్షన్స్ తమ ఎక్స్ (ట్విట్టర్) ఖాతాలో స్పందిస్తూ.. లుక్ టెస్ట్ పూర్తయిందని, త్వరలోనే సినిమా ముహూర్తం, రెగ్యులర్ షూటింగ్ వివరాలను వెల్లడిస్తామని తెలిపింది. దర్శకుడు బాబీ కూడా తన ఆనందాన్ని అభిమానులతో పంచుకుంటూ, ఈ ఆసక్తికరమైన ప్రయాణాన్ని ప్రారంభించడానికి ఎంతో ఆత్రుతగా ఎదురుచూస్తున్నట్లు పేర్కొన్నారు.
గతేడాది చిరంజీవి పుట్టినరోజు సందర్భంగా గొడ్డలితో కూడిన ఒక పవర్ఫుల్ పోస్టర్తో ఈ సినిమాను అధికారికంగా ప్రకటించిన సంగతి తెలిసిందే. ‘వాల్తేరు వీరయ్య’ లాంటి ఇండస్ట్రీ హిట్ తర్వాత చిరంజీవి-బాబీ కలయికలో వస్తున్న ఈ రెండో చిత్రంపై అభిమానులతో పాటు సినీ వర్గాల్లోనూ భారీ అంచనాలు నెలకొన్నాయి. త్వరలోనే ఈ ప్రాజెక్ట్ సెట్స్ పైకి వెళ్లనుంది.
