తమిళనాడు అసెంబ్లీ ఎన్నికల్లో దళపతి విజయ్ నేతృత్వంలోని టీవీకే (TVK) పార్టీ సాధించిన అద్భుత విజయంపై టాలీవుడ్ అగ్ర హీరోలు స్పందించారు. మెగాస్టార్ చిరంజీవి విజయ్కు హృదయపూర్వక అభినందనలు తెలుపుతూ, మొదటి ఎన్నికల్లోనే ఇంతటి ఘనవిజయం సాధించడం అభినందనీయమని కొనియాడారు. విజయ్ తన అచంచలమైన ప్యాషన్తో ప్రజలకు నిరంతరం సేవ చేస్తూ, వారి జీవితాల్లో వెలుగులు నింపాలని ఆయన ఆకాంక్షించారు.
సూపర్ స్టార్ మహేష్ బాబు ఈ విజయాన్ని ఒక ‘సరికొత్త బెంచ్మార్క్’గా అభివర్ణించారు. ప్రజలు విజయ్ పై ఉంచిన అపారమైన నమ్మకానికి ఈ ఫలితమే నిదర్శనమని, ఈ విజయం తమిళనాడులో అర్థవంతమైన మార్పును, పురోగతిని తీసుకువస్తుందని తాను నమ్ముతున్నట్లు ఎక్స్ (ట్విట్టర్) వేదికగా పేర్కొన్నారు. గ్లోబల్ స్టార్ రామ్ చరణ్ కూడా స్పందిస్తూ.. విజయ్ దార్శనికత, ప్రజలతో ఆయనకున్న అనుబంధం తనను ఎంతగానో ఆకట్టుకున్నాయని, తమిళనాడు ప్రగతి పథంలో సాగాలని కోరుకుంటున్నట్లు తెలిపారు.
హీరోలు రవితేజ, సూర్య మరియు నాని కూడా విజయ్కు సోషల్ మీడియా ద్వారా శుభాకాంక్షలు తెలిపారు. “మా ఇంట్లో జరిగిందే (ఏపీలో పవన్ కళ్యాణ్ గెలుపు), ఇప్పుడు మా పొరుగు ఇంట్లో (తమిళనాడులో విజయ్ గెలుపు) జరుగుతోంది” అంటూ నాని చేసిన పోస్ట్ నెట్టింట వైరల్గా మారింది. సినీ గ్లామర్ నుండి పొలిటికల్ పవర్ వరకు విజయ్ ప్రయాణం ఒక కొత్త అధ్యాయమని, ఆయన నాయకత్వంలో తమిళనాడు రాజకీయాల్లో పెను మార్పులు వస్తాయని వీరంతా ఆశాభావం వ్యక్తం చేశారు.
