సూపర్ స్టార్ మహేశ్ బాబు, దర్శకేంద్రుడు ఎస్.ఎస్. రాజమౌళి కాంబినేషన్లో గ్లోబల్ వైడ్గా అత్యంత ప్రతిష్ఠాత్మకంగా తెరకెక్కుతున్న అడ్వెంచర్ ప్రాజెక్ట్ ‘వారణాసి’ (SSMB29) షూటింగ్పై ఒక కీలక అప్డేట్ వచ్చింది. ఈ ఏడాది సెప్టెంబర్ లేదా అక్టోబర్ నాటికి, అంటే మరో నాలుగు నెలల్లో ఈ సినిమా చిత్రీకరణ మొత్తం పూర్తి కానుందని దర్శకుడు రాజమౌళి స్వయంగా స్పష్టం చేశారు. ఈ భారీ చిత్రంలో గ్లోబల్ స్టార్ ప్రియాంక చోప్రా కథానాయికగా నటిస్తుండటంతో సినిమాపై అంచనాలు ఆకాశాన్ని అంటుతున్నాయి.
ఫ్రాన్స్లో జరిగిన ‘ఆన్సీ ఇంటర్నేషనల్ యానిమేషన్ ఫెస్టివల్’లో పాల్గొన్న రాజమౌళి, ఒక అంతర్జాతీయ మీడియా సంస్థకు ఇచ్చిన ఇంటర్వ్యూలో ఈ ఆసక్తికర విషయాలను పంచుకున్నారు. సినిమాకు సంబంధించిన కీలకమైన మేజర్ యాక్షన్ ఎపిసోడ్స్, అలాగే వారణాసిలో జరగాల్సిన ప్రధానమైన టాకీ షెడ్యూల్స్ ఇప్పటికే విజయవంతంగా పూర్తయ్యాయని ఆయన తెలిపారు. ప్రస్తుతం కేవలం కథను ముందుకు నడిపే కొన్ని చిన్న చిన్న సీన్లు, ప్యాచ్ వర్క్ మాత్రమే మిగిలి ఉన్నాయని, సినిమా శరవేగంగా ముగింపు దశకు చేరుకుంటోందని వివరించారు.
ఈ చిత్రాన్ని ఐమాక్స్ (IMAX) స్క్రీన్లపై అద్భుతమైన విజువల్ ఎక్స్పీరియన్స్ ఇచ్చేలా రూపొందిస్తున్నట్లు జక్కన్న వెల్లడించారు. సాధారణ సినిమా స్కోప్ మరియు ఐమాక్స్ ఫార్మాట్ రెండింటికీ అనుకూలంగా ఉండేలా ‘అనోమార్ఫిక్ ఫ్రేమింగ్’ అనే అత్యాధునిక సాంకేతిక పరిజ్ఞానాన్ని ఈ చిత్రం కోసం ఉపయోగిస్తున్నట్లు ఆయన సాంకేతిక వివరాలను పంచుకున్నారు. ‘ఆర్ఆర్ఆర్’ వంటి గ్లోబల్ హిట్ తర్వాత రాజమౌళి నుండి వస్తున్న ఈ భారీ యాక్షన్ అడ్వెంచర్ చిత్రాన్ని 2027 ఏప్రిల్ 7న ప్రపంచవ్యాప్తంగా ఘనంగా విడుదల చేసేందుకు నిర్మాతలు సన్నాహాలు చేస్తున్నారు.
