మదనపల్లె ప్రెస్‌క్లబ్‌లో బ్రహ్మకుమారి పద్మావతి మాట్లాడుతూ.. బ్రహ్మకుమారీస్ ఈశ్వరీయ విశ్వవిద్యాలయం, మదనపల్లె ఆధ్వర్యంలో సెప్టెంబర్ 3న శ్రీకృష్ణ జన్మాష్టమి వేడుకలను ఘనంగా నిర్వహించనున్నట్లు తెలిపారు. ఈ సందర్భంగా భక్తులకు ప్రత్యేక కార్యక్రమాలు ఏర్పాటు చేసినట్లు పేర్కొన్నారు.
శ్రీకృష్ణ జన్మాష్టమిని పురస్కరించుకుని శ్రీకృష్ణుడి ప్రసాదాలతో పాటు సాంస్కృతిక కార్యక్రమాలు, వివిధ పోటీలు నిర్వహించనున్నట్లు బ్రహ్మకుమారి పద్మావతి తెలిపారు. పోటీల్లో పాల్గొని ప్రతిభ కనబరిచిన చిన్నారులు, విద్యార్థులకు ప్రత్యేకంగా బహుమతులు అందజేయనున్నట్లు వెల్లడించారు.
కృష్ణాష్టమి వేడుకల్లో చిన్నారులు, విద్యార్థులు, భక్తులు పెద్ద సంఖ్యలో పాల్గొని కార్యక్రమాన్ని విజయవంతం చేయాలని బ్రహ్మకుమారి పద్మావతి కోరారు. ఈ కార్యక్రమంలో ఉమామహేశ్వరి కూడా పాల్గొననున్నట్లు తెలిపారు. భక్తి, సాంస్కృతిక కార్యక్రమాలతో కృష్ణాష్టమి వేడుకలను ఘనంగా నిర్వహించేందుకు ఏర్పాట్లు చేస్తున్నట్లు వెల్లడించారు.
