ప్రేమికులకు, డిజిటల్‌ ప్రియులకు ఈ వారం పండగే పండగ. గత వారం ‘టాక్సిక్‌’ వంటి భారీ చిత్రం ఆశించిన స్థాయిలో ప్రేక్షకులను ఆకట్టుకోలేక బాక్సాఫీస్‌ వద్ద నిరాశపరిచినప్పటికీ.. ఈ వారం మాత్రం థియేటర్లు, ఓటీటీ ప్లాట్‌ఫామ్‌లలో వరుస సినిమాలు సందడి చేయనున్నాయి. ముఖ్యంగా థియేటర్లలో చిన్న, మధ్య తరహా చిత్రాలు భారీ సంఖ్యలో పోటీపడుతున్నాయి. కామెడీ, డ్రామా, యాక్షన్‌ వంటి విభిన్న జానర్లలో సినిమాలు ప్రేక్షకుల ముందుకు వస్తున్నాయి.
ఈ వారం థియేటర్లలో అల్లరి నరేష్‌ ప్రధాన పాత్రలో నటించిన ‘రంభ ఊర్వశి మేనక’ ప్రేక్షకులను అలరించేందుకు సిద్ధమైంది. వీటితో పాటు ‘ఐ యామ్ గేమ్’, ‘బెత్లెహోమ్ కుటుంబ యూనిట్’, ‘మీర్జాపూర్’, ‘మా రాముడు అందరివాడు’, ‘ధర్మస్థల నియోజకవర్గం’, ‘రోమాంచికం’ వంటి సినిమాలు కూడా థియేటర్లలో సందడి చేస్తున్నాయి. విభిన్న కథాంశాలు, భిన్నమైన జానర్లతో వస్తున్న ఈ చిత్రాలు ప్రేక్షకుల దృష్టిని ఆకర్షిస్తున్నాయి.
మరోవైపు ఓటీటీ ప్రేక్షకులకు కూడా ఈ వారం వినోదానికి కొదవ ఉండదు. థియేటర్లలో విడుదలవుతున్న సినిమాలతో పాటు డిజిటల్‌ ప్లాట్‌ఫామ్‌లలో అందుబాటులోకి వచ్చే కొత్త కంటెంట్‌పై కూడా ప్రేక్షకుల్లో ఆసక్తి నెలకొంది. పెద్ద సినిమాలు లేకపోయినా.. చిన్న, మధ్య తరహా చిత్రాలు భారీ సంఖ్యలో విడుదల కావడంతో బాక్సాఫీస్‌ వద్ద పోటీ ఆసక్తికరంగా మారింది. ఈ వారం విడుదలైన చిత్రాల్లో ఏవి ప్రేక్షకుల మెప్పు పొందుతాయో, ఏ సినిమాలు మంచి వసూళ్లు సాధిస్తాయో చూడాలి.
