నందమూరి తారక రామారావు (ఎన్టీఆర్) పుట్టినరోజు సందర్భంగా అభిమానులకు అదిరిపోయే కానుక సిద్ధమైంది. ఎన్టీఆర్ కెరీర్లో ఎంతో స్టైలిష్గా తెరకెక్కిన ‘ఊసరవెల్లి’ సినిమాను ఆయన బర్త్ డే సందర్భంగా మే 20న రీ-రిలీజ్ చేయాలని చిత్ర బృందం నిర్ణయించింది. దర్శకుడు సురేందర్ రెడ్డి మార్క్ యాక్షన్ మరియు ఎన్టీఆర్ విభిన్నమైన నటనతో అలరించిన ఈ సినిమాను ఎంపిక చేసిన కొన్ని ప్రధాన థియేటర్లలో స్పెషల్ షోల రూపంలో ప్రదర్శించనున్నారు. ఇప్పటికే అర్జున్ 70MM వంటి ప్రధాన థియేటర్ల వద్ద అభిమానులు ఈ రీ-రిలీజ్ హంగామాను అప్పుడే మొదలుపెట్టేశారు.
పుట్టినరోజు వేడుకలతో పాటు ఎన్టీఆర్ నటిస్తున్న తాజా చిత్రాల అప్డేట్ల కోసం కూడా ఫ్యాన్స్ ఆసక్తిగా ఎదురుచూస్తున్నారు. ప్రస్తుతం ప్రశాంత్ నీల్ దర్శకత్వంలో ఎన్టీఆర్ ఒక భారీ పాన్ ఇండియా ప్రాజెక్ట్ చేస్తున్నారు. ‘డ్రాగన్’ అనే టైటిల్ ప్రచారంలో ఉన్న ఈ సినిమాకు సంబంధించి మే 20న అధికారిక ప్రకటన లేదా టీజర్ వచ్చే అవకాశం ఉందని సమాచారం. ‘కేజీఎఫ్’, ‘సలార్’ వంటి బ్లాక్ బస్టర్ల తర్వాత ప్రశాంత్ నీల్ నుంచి వస్తున్న సినిమా కావడంతో దీనిపై జాతీయ స్థాయిలో భారీ అంచనాలు నెలకొన్నాయి.
వీటితో పాటు ‘మాటల మాంత్రికుడు’ త్రివిక్రమ్ శ్రీనివాస్ దర్శకత్వంలో ఎన్టీఆర్ మరో పాన్ ఇండియా సినిమాకు సిద్ధమవుతున్నారు. దీనికి ‘గాడ్ ఆఫ్ వార్’ అనే టైటిల్ను పరిశీలిస్తున్నట్లు తెలుస్తోంది. కుమారస్వామి నేపథ్యంలో సాగే పీరియాడిక్ కథతో ఈ సినిమా రూపొందనుంది. కేవలం టాలీవుడ్ మాత్రమే కాకుండా బాలీవుడ్ అగ్ర దర్శకులు సైతం ఎన్టీఆర్తో సినిమాలు చేసేందుకు క్యూ కడుతున్నారు. వెరసి, ఈ ఏడాది ఎన్టీఆర్ పుట్టినరోజు అటు పాత సినిమాల సందడితో, ఇటు కొత్త సినిమాల అప్డేట్లతో అభిమానులకు అసలైన పండుగను తీసుకురానుంది.
