బాలీవుడ్లో వరుస సినిమాలతో తనకంటూ ప్రత్యేక గుర్తింపు తెచ్చుకున్న జాన్వీ కపూర్ ఇప్పుడు డిజిటల్ రంగంలోకి అడుగుపెట్టబోతున్నారు. ఇప్పటివరకు ఎక్కువగా వెండితెరపైనే కనిపించిన ఈ యంగ్ హీరోయిన్.. త్వరలో ఓ తమిళ వెబ్ సిరీస్తో ఓటీటీ ప్రేక్షకులను పలకరించేందుకు సిద్ధమవుతున్నారు. ప్రముఖ దర్శకుడు పా. రంజిత్ నిర్మాణంలో, సర్గుణం దర్శకత్వంలో ఈ సిరీస్ తెరకెక్కుతోంది. రా అండ్ ఇంటెన్స్ సోషల్ డ్రామాగా రూపొందుతున్న ఈ ప్రాజెక్ట్తో జాన్వీ తమిళ డిజిటల్ స్పేస్లోకి ఎంట్రీ ఇవ్వనున్నారు.
దివంగత నటి శ్రీదేవి కుమార్తెగా సినీ పరిశ్రమలోకి అడుగుపెట్టిన జాన్వీ కపూర్.. బాలీవుడ్లో తనకంటూ ప్రత్యేక గుర్తింపు సంపాదించుకున్నారు. విభిన్న కథలను ఎంచుకుంటూ నటిగా తన పరిధిని పెంచుకుంటున్న ఆమె.. దక్షిణాది సినిమాల్లోనూ అడుగుపెట్టారు. ముఖ్యంగా తెలుగులో ‘దేవర’, ‘పెద్ది’ వంటి సినిమాలతో తెలుగు ప్రేక్షకులకు మరింత చేరువయ్యారు.
ఇప్పుడు తమిళ వెబ్ సిరీస్తో ఓటీటీ ప్రపంచంలోకి అడుగుపెడుతుండటంతో జాన్వీ కపూర్ కొత్త అవతార్లో కనిపించబోతున్నారనే ఆసక్తి నెలకొంది. పా. రంజిత్ నిర్మాణం, సర్గుణం దర్శకత్వం, రా అండ్ ఇంటెన్స్ సోషల్ కథాంశం కలయికలో వస్తున్న ఈ సిరీస్పై ప్రేక్షకుల్లో అంచనాలు పెరుగుతున్నాయి. ఈ ప్రాజెక్ట్తో తమిళ ప్రేక్షకులను జాన్వీ కపూర్ ఏ మేరకు ఆకట్టుకుంటారో చూడాలి.
